Mereke kúnderine arnalǵan aýa raıy boljamy - Qazgıdromet
ASTANA. QazAqparat - «Qazgıdromet» RMK 5-7 shildege arnalǵan aýa raıy boljamyn usynady.
«Respýblıka aýmaǵynyń úlken bóligi tsıklonnyń yqpalynda tur, keı jerlerde naızaǵaıly ótkinshi jańbyr saqtalady, eldiń shyǵysynda jańbyr kútilýde, keı jerlerde qatty jańbyr, burshaq jaýýy múmkin. Iran aýdandarynan jyly aýa massasynyń shyǵýymen respýblıkanyń batys jáne ońtústiginde temperatýranyń túnde 15-25 gradýsqa deıin, kúndiz 33-38 gradýsqa deıin kóterilýi kútilýde. Soltústik jáne ortalyq oblystarda synap baǵanasy túnde 10-20 gradýsqa deıin, kúndiz 25-35 gradýsqa deıin kóteriledi, al shyǵys jáne ońtústik-shyǵys oblystarynda túnde temperatýra +8-18 deıin, kúndiz 20-28 jylyǵa deıin tómendeıdi», - dep jazylǵan habarlamada.
