Mereke kúnderi Jezqazǵan turǵyny toı jasap, oǵan 50 qonaq qatysqan

NUR-SULTAN. QazAqparat - Sanıtarııa dárigerleriniń birneshe ret aıtylǵan eskertýine qaramastan keı adamdar ózderiniń ǵana emes, jaqyndarynyń da densaýlyǵy men qaýipsizdigine beıjaı qarap otyr. Bul jaıdy koronavırýsqa qarsy vedomstvoaralyq komıssııaǵa sliteme jasap QazAqparat habarlaıdy.

Mereke kúnderi monıtorıng toptary reıd sharalaryn jalǵastyrdy. Onyń barysynda birqatar zańbuzýshylyqtar anyqtalǵan.

Mysaly, Qaraǵandy oblysynyń Jezqazǵan qalasyndaǵy «Ulytaý» meıramhanasynda 50 adamnyń qatysýymen toı ótkizilgen.

Bul - sanıtarııalyq dárigerlerdiń nusqaýyn tikeleı buzý.

Jezqazǵan qalasynda pandemııa bastalǵannan beri barlyǵy 175 kemshilik anyqtalǵan, onyń ishinde 19-y - otbasylyq is-sharalardy ótkizý faktileri.

Tártip buzýshylarǵa 19 737 690 teńge aıyppul salynǵan.

«Qurmetti qazaqstandyqtar, óz densaýlyǵyńyz - óz qolyńyzda, osyny esten shyǵarmańyzdar» dep eskertedi komıssııa.