Mereke kúnderi terezeden 2 bala men boıjetken qulap ketti
NUR-SULTAN. QazAqparat - Ótken mereke kúnderi elimizde eki bala men bir boıjetken terezeden qulap ketken, dep habarlaıdy QazAqparat QR ІІM TJK baspasóz qyzmetine silteme jasap.
Komıtettiń habarlaýynsha, 9 mamyr kúni Óskemendegi Qazaqstan kóshesindegi toǵyz qabatty úıdiń besinshi qabatynan kishkene qyz bala qulap, aýrýhanaǵa jetkizilgen. 2015 jylǵy bala sol kúni ata-anasynyń qaraýynsyz qalǵany anyqtalyp otyr.
«Osyǵan uqsas qaıǵyly jaǵdaı Nur-Sultanda da tirkeldi. Baýyrjan Momyshuly kóshesindegi toǵyz qabatty úıdiń úshinshi qabatynan 2001 jylǵy boıjetken qulap, ártúrli jaraqatpen medıtsınalyq mekemege jetkizilgen. Sondaı-aq, Qaraǵandyda Kúzembaev kóshesinde 2015 jylǵy bala úshinshi qabattan qulaǵan», - delingen komıtettiń habarlamasynda.
QR ІІM TJK azamattarǵa abaı bolýdy jáne balany qaraýsyz qaldyrmaýdy eske salady.
