Mereke kúnderi tamaqtan ýlanyp qalmaý úshin ne isteý kerek

QARAǴANDY. QazAqparat – Ózińizdi jaǵymsyz tosynsyılardan qalaı qorǵaýǵa bolady jáne jańa jyldyq demalys kúnderi qandaı shekteý sharalaryn saqtaý kerek? Bul suraqtarǵa Qaraǵandy oblysynyń bas sanıtarlyq dárigeri ıÝrıı Zalygın Óńirlik kommýnıkatsııalar qyzmeti alańynda ótken brıfıngte jaýap berdi, dep habarlaıdy QazAqparat tilshisi.

Mereke kúnderi tamaqtan ýlanýdyń sany artatyny jasyryn emes. Jiti ishek ınfektsııalarynyń negizgi sebepteri – tamaq daıyndaý tehnologııasynyń buzylýy nemese merzimi ótken taǵamdardy jeý.

«Jańa jyldyq merekelerdi jaǵymsyz tosynsyılarmen ótkizbeý úshin azyq-túlik ónimderin bólshek saýda oryndarynda ǵana jáne onyń sapasy men qaýipsizdigin rastaıtyn qujattar bolǵan kezde ǵana satyp alýdy usynamyz. Ataýy, quramy, daıyndalǵan kúni, jaramdylyq merzimi jáne saqtaý sharttary, sondaı-aq úıde daıyndalǵan ónim týraly aqparat bolmasa, shyǵý tegi belgisiz ónimderdi satyp alýdyń qajeti joq», – dedi ıÝrıı Zalygın.

Bas sanıtarlyq dáriger merekelik taǵamdardy az mólsherde daıyndaýdy jáne kremdi kondıterlik ónimdermen, kóp komponentti salattarmen, maıonezben jáne alkogolmen óte saq bolýǵa shaqyrdy.

Sonymen qatar spıker oblys turǵyndaryn halyq kóp jınalatyn jerlerden aýlaq bolýǵa jáne koronavırýsty juqtyrmaý úshin shekteý sharalaryn saqtaýǵa shaqyrdy. Pandemııa bastalǵannan beri aımaqta koronavırýstyq ınfektsııanyń 109 526 jaǵdaıy tirkeldi.

Demalys kúnderi qyzmetkerler men kelýshilerdiń qaýipsiz «jasyl» mártebesi bolǵan jaǵdaıda birqatar obektilerdiń jumysyna jol beriledi.

«Bul rette QR-kody bar buqaralyq is-sharalar men qoǵamdyq oryndarǵa barý shekteý bolyp tabylmaıdy, ol búgingi kúnniń erejesi. «Jasyl» mártebe jeke qorǵanys quraldaryn kııý, qashyqtyqty saqtaý jáne basqa da aldyn-alý sharalaryn saqtaýdan bosatpaıtynyń eskerý kerek. Karantındik talaptar árbir azamattyń densaýlyǵyna qamqorlyqpen baılanysty jáne óńirdegi sanıtarlyq-epıdemıologııalyq salaýattylyqty jaqsartýǵa baǵyttalǵan», – dedi ıÝrıı Zalygın.