Mereke kúnderi ShQO-da órt saldarynan 7 adam qaza tapty

Rıdderde shyqqan órtte eki adam qaıtys boldy. Órt 130 sharshy metr aýmaqty sharpydy. Órtti sóndirýge 3 avtotsısterna men 12 qutqarýshy jumyldyryldy. Barlaý kezinde as úıde 1962 jyly týǵan azamattyń, jatatyn bólmede 1987 jyly týǵan er adamnyń máıiti tabyldy.

2 qańtarda polıtseıler Tótenshe jaǵdaılar qyzmetine «Metallýrg-6» baqsha qoǵamdastyǵynyń saıajaılyq úıde 2 adamnyń: 1992 jyly týǵan qyz ben 1975 jyly týǵan er adamnyń máıiti tabyldy. Úıde eski nársemen jabylǵan pesh óńeshi baıqaldy. Bul órt qaýipsizdigine qaıshy. Aldyn ala boljam boıynsha azamattar ıis tıip óldi. Oqıǵanyń mán-jaıy anyqtalyp jatyr.

Al Semeıde 2 ıesi bar jeke úıden shyqqan órtte úsh er adam qaza tapty. Olardyń máıitteri jatatyn bólmeden tabyldy. 1986 jyly týǵan taǵy bir er adamdy qutqarýshylar aman saqtap qaldy. Onyń arqasy I dárejeli kúıikke, denesiniń keı jerleri II dárejeli (denesiniń 3%) kúıikke shalyndy. Japa shegýshi jedel járdem qyzmetkerlerine tapsyryldy.

Olardyń barlyǵy mas kúıde bolǵany anyqtaldy. Órttiń shyǵý sebebi retinde otty abaısyz paıdalaný, mas kúıde abaısyz temeki shegý, sonymen birge elektr jabdyqtaryn jınaqtaǵanda jáne paıdalanǵanda órt qaýipsizdigi tehnıkasynyń saqtalmaýy nusqalary qarastyrylyp jatyr.

Mereke kúnderi oblysta 20 órt oqıǵasy tirkeldi. Ottyń shyǵýyna negizinen ony abaısyz paıdalaný sebep bolǵan. Adamdar mas kúıde bolǵan nemese peshti durys qaramaǵan, elektr jabdyqtaryn durys paıdalanbaǵan, dep málimdedi TJD.