Mereke kúnderi kókshetaýlyqtardy tosyn syı kútip tur - qala əkimi
KÓKShETAÝ. QazAqparat - Alda kele jatqan Tuńǵysh Prezıdent kúni men Táýelsizdik merekesine oraı kókshetaýlyqtardy tosyn syılar kútýde. Mereke qarsańynda Kókshetaý qalasynda birneshe turǵyn úı men qoǵamdyq alańdardy paıdalanýǵa berý josparlanǵan.
Sondaı-aq, Jańa jyl meıramynyń da jańalyqtary kóp bolmaq, dep habarlaıdy QazAqparat tilshisi əkimdiktiń baspasóz qyzmetine silteme jasap.
Baspasóz qyzmetiniń málimeti boıynsha, jeltoqsan aıynda bolatyn mańyzdy memlekettik mereke kúnderin uıymshyldyqpen ótkizýge qatysty qala ákimi Ermek Marjyqpaev vedomstvolar men sala basshylaryn jınap, keńes ótkizdi.
Qalalyq mádenıet bólimi jaýapty sanalatyn shyǵarmashylyq sharalarmen qatar áleýmettik másele de nazarǵa alynýy tıis delindi. Aıdyń birinshi jartysynda jańa nysandar paıdalanýǵa beriledi. Onyń qatarynda memlekettik jáne kommertsııalyq baǵyttaǵy birneshe kópqabatty úıler, neke qııý saraıy, temirjolshylar alleıasy jáne jastar skveri bar. Qala ákimi ataýly kúnder jaqyndap kele jatqanyn jáne oǵan muqııat qaraý qajettigin aıtty. Kókshetaýdy Jańa jyl merekesine oraı bezendirý jumystary jaqynda qolǵa alynady. Bıyl Gorkıı kóshesiniń jaryqshamdary jańartylyp, barlyq arkalar, sýburqaqtar, panel-kronshteınder árlenedi. Birneshe aýmaqqa shyrsha qoıylyp, muz qalashyǵy salynady. Shahar basshysy bul jumystardan Krasnyı ıAr men Stantsıonnyı eldi mekenderi de qalys qalmaýy tıis dep otyr.
