Mereke kúnderi Qazaqstanda bulyńǵyr aýa raıy saqtalady
ASTANA. QazAqparat - Mereke kúnderi, ıaǵnı 21-23 naýryz aralyǵynda Qazaqstan aýmaǵynda ońtústikten esken jyly aýa men soltústikten soqqan sýyq aýanyń áserinen kóptegen oblystarda atmosferalyq jaǵdaı kúrdelenip, bulyńǵyr aýa raıynyń saqtalýyna ákep soǵady. Bul týraly «Qazgıdromet» habarlaıdy.
«Tek shyǵys aýmaqtar jaýyn-shashynsyz bolady. Soltústik aımaqtarda qarly jańbyr kútilýde, kóktaıǵaq, jeldiń kúsheıýi 17-22 m/s-qa deıin bolýy boljanýda. Ońtústikte jańbyr jaýady, al 21 naýryz kúni taýly aımaqtarda nóserletedi. Jaýyn-shashyn men jylýdyń kúrt joǵarylaýyna baılanysty qar kóshkininiń qaýpi bar. Sonymen qatar aýa raıynyń normalyq deńgeıden 5-10º joǵary bolýy kútiledi», - delingen «Qazgıdromet» taratqan málimdemede.
Al mereke kúnderi elordadaǵy aýa raıy qubylmaly bolady, jaýyn-shashyn jaýmaıdy. Ońtústik-batystan 9-14 m\s jel soǵyp, ol túnde 15-20 m\s-qa deıin kúsheıedi. Túnde aýa temperatýrasy 8-10 gradýsqa deıin tómendep, kúndiz 0 gradýs mańaıynda bolady.
