Mereke kúnderi Qazaqstan polıtsııasy kúsheıtilgen rejımde jumys isteıdi
ASTANA. QazAqparat - QR Táýelsizdik merekesi kúnderi Qazaqstannyń kóliktegi ishki ister departamenti kúsheıtilgen jumys rejımine aýysady, dep habarlaıdy «QazAqparat» tilshisi.
«15-18 jeltoqsan aralyǵynda QR ІІM kóliktegi ІІD jeke quramy mereke kúnderindegi qaýipsizdikti qamtamasyz etý maqsatynda kúsheıtilgen jumys rejıminde jumys isteıdi», - dep jazylǵan QR ІІM Kóliktegi ishki ister departamentiniń habarlamasynda.
Atalmysh is-sharaǵa vedomstvonyń barlyq kúsh-quraly jumyldyrylǵan.
Departament basshysynyń orynbasary Talǵat Ótetileýovtyń aıtýynsha, mereke kúnderi kóliktegi polıtseıler áýe jáne temir jol qyzmetin paıdalanatyn jolaýshylardyń qaýipsizdigin qamtamasyz etedi. 800-deı tártip saqshysy áýejaılar men temirjoldardaǵy qoǵamdyq tynyshtyqty kúzetetin bolady. Sonymen birge, qylmystyń aldyn alý, urlyq, alaıaqtyq isterdiń izin sýytpaı ashý jumystary jedel júzege asyrylady.
Qosymsha jedel-tergeý toptary qylmys oryn alǵan jerlerge jyldam jetip, atalǵan jumystarǵa kınologııalyq ortalyqtardyń qyzmettik ıtterin de paıdalanady.
Ótetileýovtyń aıtýynsha, qazir Astana-1 jáne Astana «Nurly jol» vokzaldarynyń ishi-syrtynda 600-den astam baqylaý kamerasy jumys istep tur.
