Mereke kúnderi ınternet arqyly satyp alynǵan temirjol bıletteri tegin jetkiziletin boldy
ASTANA. 16 naýryz. QazAqparat - 2012 jylǵy 22 naýryzda, 1-9 mamyr aralyǵynda, 16-ynshy jáne 25-i men 31 jeltoqsan kúnderi aralyǵynda
Astana men Almaty qalalarynda ınternet arqyly temirjol bıletterin resimdegen jolaýshylarǵa bıletter tegin jetkiziletin bolady. Bul týraly «Jolaýshylar tasymaly» AQ-nyń baspasóz qyzmetinen habarlady.
Bıletterdi táýlik boıy myna saıttar arqyly resimdeýge bolady www.railways.kz , www.temirzholy.kz , www.pcentre.kz . Temirjol bıletteri turǵyn úılerge, keńselerge jáne qonaq úılerge jetkiziledi.
Jetkizip berý qyzmetine tapsyrys 9.00 den 21.00 ge deıin júrgiziledi. Tapsyrys kún saıyn poıyz jóneltilgenge deıin bir táýlik buryn qabyldanady, bılet poıyz jóneltilgenge deıin 6 saǵattan aspaıtyn ýaqytta jetkiziledi.
Jetkizý qyzmetiniń telefondary: Astana stansysy boıynsha- (7172) 94-22-12; 94-31-46; Almaty-2 stansysy boıynsha (727) 296-11-36
