Mereke kúnderi HQO-lar men AvtoHQO-lar qalaı jumys isteıdi

ASTANA. QazAqparat – 28 maýsym men 6 shilde kúnderi Qurban aıt pen Astana kúni toılanatyndyqtan, elimizde Halyqqa qyzmet kórsetý ortalyqtary (HQO) men mamandandyrylǵan HQO-lar jumys istemeıdi. Bul rette, 7 jáne 8 shilde kúnderi azamattardy saǵat 13:00-ge deıin tek kezekshilik belgilengen HQO-lar men AvtoHQO-lar qabyldaıdy, dep habarlaıdy QazAqparat.

«Azamattarǵa arnalǵan úkimet» memlekettik korporatsııasynyń baspasóz qyzmetinen málim etkendeı, 1 shilde mamandandyrylǵan jáne qarapaıym Qyzmet kórsetý ortalyqtary úshin jumys kúni sanalady. Bul kúni HQO-lar azamattardy 18:00-ge deıin, mamandandyrylǵan HQO-lar 20:30-ǵa deıin qabyldaıdy.

Qazirgi ýaqytta eldegi mamandandyrylǵan HQO-lar sheteldik kólikterdi tirkeý jumysyna tartylyp, kúsheıtilgen rejımde jumys istep jatyr. 1 shildege deıin olar azamattardy jumys kúnderi 9:00-den 19:00-ge deıin (qujattardy berý – 20:30-ǵa deıin), senbi 9:00-den 18:00-ge deıin (qujattardy berý 19:30-ǵa deıin) qabyldaıtynyn eske salaıyq.

Jalpy Halyqqa qyzmet kórsetý ortalyqtary azamattarǵa jumys kúnderi 9:00-den 18:00-ge deıin, kezekshi bólimsheleri - 9:00-den 20:00-ge deıin, senbi kúni - 9:00-den 13:00-ge deıin qyzmet kórsetedi. Sheteldik kólikterdi tirkeý aıaqtalǵannan keıin mamandandyrylǵan HQO-lar osy kestege oralady.