Mereke kúnderi HQO-lar qalaı jumys isteıdi

NUR-SULTAN. QazAqparat - «Azamattarǵa arnalǵan úkimet» memlekettik korporatsııasy Konstıtýtsııa kúnine baılanysty Qazaqstannyń Halyqqa qyzmet kórsetý ortalyqtary (HQO-lar) men mamandandyrylǵan HQO-lary 28, 29 jáne 30 tamyzda jumys istemeıtinin habarlaıdy.

«Oblys ortalyqtary men respýblıkalyq mańyzy bar qalalardaǵy kezekshi HQO-lar 29 tamyzda 9.00-den 13:00-ge deıin qyzmet kórsetedi. 29 tamyzda «Qazposhta» AQ tarapynan josparlanǵan tehnıkalyq jumystarǵa baılanysty kezekshi HQO-larda kassalar arqyly memlekettik baj tóleý múmkindigi bolmaıtynyn eskertemiz. Klıentter memlekettik qyzmetterdi bank qosymshalary men QR-kod arqyly tóleı alady.

27 tamyz jumys kúni bolyp bekitilgenin taǵy eske salamyz. Bul kúni HQO-lar men mamandandyrylǵan HQO-lar ádettegi keste boıynsha jumys isteıdi. 31 tamyzda HQO-lar men mamandandyrylǵan HQO-lar jumysyn qaıta bastaıdy»,-delingen habarlamada.

Eske salaıyq, HQO-lardyń ádettegi jumys kestesi: dúısenbi-juma saǵat 9:00-den 18:00-ge deıin.

Kezekshi HQO-lar dúısenbi-juma aralyǵynda saǵat 9.00-den 20.00-ge deıin, al senbi kúni saǵat 9.00-den 13.00-ge deıin jumys isteıdi.