Mereke kúnderi elordanyń birqatar kóshelerinde kólik qozǵalysy shekteledi
ASTANA. QazAqparat - Qazaqstan halyqtarynyń birligi kúni, Otan qorǵaýshylar kúni jáne Uly Otan soǵysyndaǵy Jeńistiń 70 jyldyǵyna arnalǵan merekelik sharalar kezinde Astana qalasynyń ishki ister departamenti qoǵamdyq tártip pen jol qaýipsizdigin qamtamasyz etý úshin birqatar sharalar qoldanady.
Bul týraly Astana qalasynyń ІІD baspasóz qyzmeti habarlady.
Mádenı sharalar ótetin oryndarda kólikterdiń qozǵalysyn shekteý josparlanyp otyr.
1 mamyr jáne 7 mamyr kúnderi saǵat 07.00-den bastap 13.00-ge deıin Rahymjan Qoshqarbaev dańǵylynan Shámshi Qaldaıaqov kóshesine deıin, M-3 kópirinen Obaǵan kóshesine deıin, Raqymjan Qoshqarbaev dańǵylynyń Baýyrjan Momyshuly kóshesimen qıylysynan Sarykól kóshesimen qıylysyna deıingi aralyq, Aınakól kóshesiniń Sarykól kóshesimen qıylysy men Jumeken Nájimedenov kóshesimen qıylysyna deıingi aralyqta kólik qozǵalysy shekteledi.
2, 3 jáne 5 mamyr kúnderi de parad repetıtsııalarynyń ótkizilýine baılanysty kólik qozǵalysy joǵarydaǵy kestemen shekteledi.
Budan basqa, montajdaý jumystarynyń ótkizilýine baılanysty 8 mamyrǵa deıin Táýelsizdik kóshesiniń Ahmet Jubanov kóshesi men J.Nájimedenov kóshesi aralyǵyndaǵy bóligi jabyq bolady.
