Mereke kúnderi elordalyq polıtseıler men dárigerler kúsheıtilgen tártipte jumys isteıdi

ASTANA. QazAqparat - Astanada Konstıtýtsııa kúnine baılanysty qoǵamdyq tártip pen jol qaýipsizdigin qamtamasyz etý maqsatynda Astana qalasy ІІD jeke quramy kúsheıtilgen tártipte jumys isteıdi, dep habarlady astana.kz.

Qala kóshelerinde jáne adamdar kóp jınalatyn jerlerde patrýldik qyzmet narıady kóbeıtiledi, kólik quraldarynyń qalaǵa kelýi men shyǵýyn baqylaý kúsheıtiledi. Sonymen qatar, elordalyq Densaýlyq saqtaý basqarmasynyń habarlaýynsha, halyqtyq serýen ótetin jerlerde azamattardyń qaýipsizdigin qamtamasyz etý úshin jedel medıtsınalyq járdem kólikteri kezekshilik etetin bolady. Mereke jáne demalys kúnderi statsıonarlyq kómek kórsetetin medıtsınalyq uıymdar turǵyndarǵa jedel jáne medıtsınalyq kómek kórsetedi.