Mereke kúnderi elordadaǵy saýda, oıyn-saýyq ortalyqtarynda mádenı-buqaralyq sharalar ótedi
ASTANA. QazAqparat - Halyqaralyq áıelder kúnine oraı elordanyń saýda, oıyn-saýyq ortalyqtarynda aýqymdy mádenı-buqaralyq sharalar ótedi, dep habarlady búgin Astana ákimdiginiń baspasóz qyzmeti.
7 naýryzda «Kerýen» saýda oıyn-saýyq ortalyǵynda saǵat 14:00-de Qazaq Ulttyq óner ýnıversıteti janyndaǵy daryndy balalarǵa arnalǵan mamandandyrylǵan mektep oqýshylarynyń mýzykalyq kontserti ótedi. 7-8 naýryzda saǵat 10:00-22:00 «MEGA Astana» SOO qoldan jasalǵan buıymdar kórmesi uıymdastyrylady.
«Astana mall» SOO-da «MamaEXPO» jármeńkesi aıasynda balalar tegin sheberlik synyptarǵa qatysa alady, anımatorlar kelýshilerdiń kóńilin kóterip, lotereıa oıyny uıymdastyrylady. Sondaı-aq, qyzǵaldaqtar taratylady. 8 naýryzda saǵat 12.00-den 14:00-ge deıin «Kerýen» SOO-nyń 3-qabatynda pechene pisirý boıynsha sheberlik synyby ótedi.
Sonymen qatar, «Arýjan» SOO saǵat 13:00-den 17.00-ge deıin kópshilik nazaryna kontserttik shoý-baǵdarlama usynylady. Ulttyq jáne zamanaýı bı bıleý, balalarǵa arnalǵan shoý baǵdarlama, syılyqtar men «Star Play» parkiniń sertıfıkattarynyń utysy ótkiziledi. Saǵat 13.00-de «Saryarqa» SOO-da Relax stýdııasynyń kontserttik baǵdarlamasy kópshilikke kóterińki kóńil-kúı syılaıdy. «MEGA Astana» SOO saǵat 15:00-den 16:00-ǵa deıin kem degende 5000 teńgege saýda jasaǵan hanymdar jeńilissiz lotereıa utysyna qatysa alady.
