Mereke kúnderi elordada kún jyly bolady
ASTANA. 6 mamyr. QazAqparat - Mereke kúnderi elordada kún bulttanyp, jyly bolady. Keı jerlerde jańbyr jaýyp, kún kúrkireýi yqtımal. Bul týraly astana.kz saıtyna «Qazgıdromet» RMK-dan málim etti.
Erteń, 7 mamyrda sınoptıkter kún bulttanǵanymen, jańbar jaýmaıdy dep otyr. Ońtústik-batystan sekýndyna 9-14 metr jel soǵady. Aýa temperatýrasy túnde +8+10°C, kúndiz +22+24°C kóteriledi.
8 mamyrda elordada kún qubylmaly bolady. Kúndiz jańbyr jaýyp, kún kúrkireýi múmkin. Jeldiń baǵyty ońtústikten soltústik-batysqa ózgerip, sekýndyna 9-14 metrge, keı jerlerde jeldiń ekpini 18 metrge deıin jetedi. Synap baǵany túnde +11+13°C, kúndiz +23+25°C shamasynda bolady.
9 mamyrda da Astanada jańbyr jaýyp, jeldiń baǵyty 9-14 m/s jetedi. Aýa temperatýrasy túnde 7-9, al kúndiz 17-19 gradýs jylylyqty kórsetedi.
