Mereke kúnderi elordada eshqandaı jol-kólik oqıǵasy tirkelgen joq
ASTANA. 4 qańtar. QazAqparat - 2011 jyldyń 31 jeltoqsany men 2012 jyldyń 3 qańtary aralyǵynda elordanyń jol polıtsııasy kúsheıtilgen rejimde jumys istedi,
dep habarlady Astana qalalyq jol polıtsııasy basqarmasynyń baspasóz qyzmetinen.
Vedomstvonyń atap ótýinshe, mereke kúnderi elordada 1 ǵana jol-kólik oqıǵasy tirkelgen. Jańa jyl túni jáne mereke kúnderi qaza tapqandar joq. Sondaı-aq mereke kúnderi mas kúıde kólik basqarǵan júrgizýshiler tirkelmedi.
Tolyqtaı alǵanda, 31 jeltoqsan men 3 qańtar aralyǵynda jol polıtsııasy nazaryna 172 túrli jol qozǵalysy erejesin buzý faktisi ilindi. 25 júrgizýshi kólikti ishimdik ishken kúıi basqarǵany úshin ustaldy. Al 4 júrgizýshige belgilengen jyldamdyq asyrǵany úshin ákimshilik hattama toltyryldy.
