Mereke kúnderi elimizde aýa raıy qandaı bolady
NUR-SULTAN. QazAqparat - Sınoptıkter 30 sáýir - 2 mamyr aralyǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Mereke kúnderi Qazaqstan aýmaǵyndaǵy aýa raıyn tez ózgeretin atmosferalyq protsester anyqtaıdy. Elimizdiń soltústik jáne ońtústik óńirlerine tsıklon áser etedi, saldarynan keı jerlerde naızaǵaı oınap, jańbyr jaýady.
Biraq respýblıkanyń batys bóligine Qara teńizden keletin antıtsıklon áser ete bastaıdy. Ol shyǵysqa qaraı yǵysyp, jaýyn-shashynnyń toqtaýyna jáne respýblıkanyń basym bóliginde aýa temperatýrasynyń tómendeýine ákeledi.
