Mereke kúnderi aýa raıy qandaı bolady
NUR-SULTAN. QazAqparat – Qazgıdromet 7-9 mamyrǵa arnalǵan aýa raıy boljamyn jarııalady, dep habarlaıdy QazAqparat.
Aýqymdy antıtsıklonǵa baılanysty 7-9 mamyr kúnderi basym bóliginde azdaǵan bultty jáne qurǵaq aýa raıy saqtalady. Kelesi kúnderi aýa raıyn respýblıkanyń batys jáne ońtústik óńirlerine shyǵatyn ońtústik tsıklonnyń jyly sektory qalyptastyrady. Osyǵan oraı aspanda bulttar taralyp, jańbyr, keı jerlerde naızaǵaımen jáne ekpindi jelmen qatty jańbyr jaýady, sondaı-aq keı jerlerde burshaq jaýýy yqtımal. Temperatýralyq fon respýblıkanyń barlyq aýmaǵynda joǵarylaıdy.
