Mereke kúnderi astanalyq polıtseıler áıel júrgizýshilerge aıyppuldyń ornyna ashyq hattar toltyryp berdi
ASTANA. 10 naýryz. QazAqparat - 8 Naýryz merekesi kúni elordalyq jol polıtsııasy basqarmasy «Іskerler tolqyny» radıosynyń jýrnalısterimen birlesip, júrgizýshi áıelder qaýymyna arnalǵan aktsııa ótkizdi.
Bul týraly ІІD Jol polıtsııasy basqarmasynan habarlady.
Aktsııany uıymdastyrýshylar temir tulparǵa mingen azamatshalardyń artynan júre otyryp, olardyń óz merekelerin «paıdalanyp», jibergen buzýshylyqtaryn tirkep otyrǵan. Olardyń arasynda qaýipsizdik beldemshesin taqpaý, uıaly telefondy qoldaný, qoqysty terezeden laqtyrý jáne taǵy da basqa buzýshylyqtar bar.
Biraq, toqtatylǵan «názik jandylarǵa» jol polıtseıleri aıyppuldar men hattamalardyń ornyna izgi tilekter jazylǵan ashyq hattardy toltyryp berip otyrdy. Óz kezeginde jýrnalıster gúl shoqtary men Jolda júrý erejesi týraly kitapshalardy syıǵa tartty.
Onymen birge, jol júrý erejelerin buzǵan qyz-kelinshekterge «Іskerlier tolqyny» radıosynda utyssyz oıynǵa qatysyp, tikeleı efırde merekelik quttyqtaýlar joldaý múmkindigi berildi.
