Mereke kúnderi Astanadaǵy tártiptiń saqtalýyn 800 polıtseı qadaǵalaıdy
ASTANA. QazAqparat - Astana kúnin toılaý kúnderi, ıaǵnı 4 shildeden 8 shildege deıin 800-den astam polıtseı qaladaǵy tártiptiń saqtalýyn qadaǵalaıtyn bolady, dep habarlady kóliktegi ІІD baspasóz qyzmetinen.
«Mereke kúnderi qoǵamdyq oryndarda, kóshelerde, mádenı-buqaralyq is-sharalar uıymdastyrylatyn jerlerde zańbuzýshylyqtyń aldyn alý úshin qosymsha sharalar qolǵa alynýda. Departamenttiń 800-den astam qyzmetkeri áýejaı men saparjaıdaǵy tártipti, jolaýshylardyń qaýipsizdigin qamtamasyz etedi», - delingen taratylǵan habarlamada.
Polıtsııanyń málimetinshe, mańyzdy jáne erekshe mańyzdy nysandardaǵy, arnaıy mekemelerdegi, sondaı-aq ákimshilik ǵımarattar men tirshilikti qamtamasyz etý nysandaryndaǵy kúzet qyzmeti kúsheıtiledi.
Bul úshin vedomstvo qurylymdary men basqarma qyzmetkerlerinen arnaıy jedel toptar quryldy.
