Mereke kúnderi Astanada jolda júrý erejesin 2262 ret buzý oqıǵasy tirkeldi - jol polıtsııasy
ASTANA. 9 naýryz. QazAqparat - 6, 7 jáne 8 naýryz kúnderi Astana qalasynyń jol polıtseıleri Jolda júrý erejesin 2262 ret buzý faktilerin anyqtady.
Bul týraly ІІD Jol polıtsııasy basqarmasynan habarlady.
Ustalǵan 2262 ereje buzýshynyń 79-y avtokólikke mas kúıinde otyrǵan, 21 - qarsy jolǵa shyǵyp ketken, 63 - kólikti qujattarsyz basqarǵan, 106 - rólde otyryp uıaly telefon qoldanǵan. Taǵy 17-si - kóliktiń tehnıkalyq jaǵdaıynyń nashar bolǵany úshin toqtatylsa, 160 júrgizýshi jyldamdyqty belgilengen mejeden asyryp jibergen. Olardyń barlyǵyna ákimshilik hattamalar toltyryldy. 77 mashına aıyp turaǵyna qoıyldy.
JPB-dan anyqtaǵandaı, mereke kúnderi adam shyǵynyna alyp kelgen jol-kólik oqıǵalary bolǵan joq.
