Mereke kúnderi Astanada qoǵamdyq kólikterdiń sany artady
ASTANA. QazAqparat - Jańa jyldyq meıram kúnderi Astanada qoǵamdyq kólikterdiń sany artady, dep habarlaıdy Astana qalasy ákimdiginiń medıa ortalyǵy .
Merekelik sharalar ótkiziletin alańdarǵa Astana turǵyndary men qonaqtardyń esh qıyndyqsyz jáne yńǵaıly jetýine sapaly qyzmet kórsetý maqsatynda qala ákimdigi keı baǵyttarda qoǵamdyq kólik sanyn arttyrdy.
«Negizinen 30-31 jeltoqsan kúnderi myna baǵyttar boıynsha avtobýstar sany artady № 2,5,7,8,9,10,12,19,31,33,37,40,51,71; al 2018 jyldyń 2-shi qańtarynda myna baǵyttar boıynsha № 9,10,12,31,37,40,51», dep habarlady «Astana LRT».
Osy baǵyttar Jańa jyldyq sharalar ótkiziletin saýda oryndary, muz aıdyny, mádenı oshaqtar jáne basqada nysandarǵa qatynaıtyn bolady.
