Mereke kúnderi Astanada 334 qylmys jasaldy
ASTANA. 8 qańtar. QazAqparat - Rojdestvo merekesi kúnderi elordanyń polıtsııa qyzmetkerleri kúsheıtilgen rejimde jumys istedi.
Astana qalalyq ІІD baspasóz qyzmetiniń atap ótýinshe, úsh kún ishinde elorda aýmaǵynda 334 qylmys pen oqıǵa tirkelse, onyń 30-y krımınaldyq sıpatta. Atalǵan qylmystardyń 127-si «izi sýymaı» ashyldy.
Máselen, qańtardyń 7-sinen 8-ine qaraǵan túngi saǵat 1-de Astana qalalyq ІІD Jedel basqarý ortalyǵynyń qyzmetkeri beınebaqylaý kamerasynyń kómegimen turǵyn úı aýlasyndaǵy «Nıssan» markaly kólik salonyna terezesin syndyryp kirmek bolǵan belgisiz 2 adamdy baıqaǵan. Oqıǵa ornyna jedel top jiberilip, olar qolǵa tústi. Tergeý amaldary barysynda olardyń Aqmola oblysynyń turǵyndary ári qaladaǵy kásiporyndardyń birinde jumys isteıtindikteri anyqtaldy.
Qazirgi ýaqytta atalǵan fakti boıynsha QR QK 175-baby boıynsha qylmystyq is qozǵalyp, olardyń dál osyndaı qylmystarǵa qatysy bar-joǵy tekserilýde.
