Mereke kúnderi «Almaty-2 - Shymkent» baǵytynda qosymsha jolaýshylar poıyzy shyǵarylady

ASTANA. 4 naýryz. QazAqparat - 8 jáne 22 naýryz mereke kúnderine oraı «Almaty-2 - Shymkent» baǵytynda qosymsha jolaýshylar poıyzy shyǵarylady,

dep habarlady «Jolaýshylar tasymaly» AQ baspasóz qyzmetinen.

«Jolaýshylardyń kóptegen ótinishterine oraı, demalys kúnderi «Jolaýshylar tasymaly» AQ «Almaty-2 - Shymkent» baǵytynda №61/62 qosymsha jolaýshylar poıyzyn shyǵarady», - delingen kompanııa habarlamasynda.

Almaty-2 stansasynan 7 jáne 21 naýryzda saǵat 23.30-da attanǵan poıyz Shymkentke 8 jáne 22 naýryz kúnderi saǵat 12:56-da kelip jetedi. Al Shymkentten 8 jáne 22 naýryz kúnderi saǵat 17.05-te júretin poıyz «Almaty-2» stansasynda 9 jáne 23 naýryzda tańǵy saǵat 06:55-te kelip jetedi dep kútilýde. Quramda 14 jolaýshy vagony bar, onyń 4-eýi - kýpe, al 10-y - platskart.