Mereke kúnderi Aqtóbede izdeýde júrgen 9 kúdikti ustaldy
AQTÓBE. QazAqparat - Naýryz merekesi kúnderi Aqtóbede «Quqyqtyq tártip» jedel aldyn alý sharasy ótti. Barlyǵy 2,5 myń ákimshilik quqyqbuzýshylyq tirkeldi, dep habarlaıdy QazAqparat tilshisi.
Aqtóbelik polıtsııa qyzmetkerleri mereke kúnderi kúsheıtilgen tártipte jumys istedi. Bar bolǵany 4 kúnniń ishinde 153 qylmys tirkeldi.
«Mereke kúnderi izdeýde júrgen 9 kúdikti ustaldy. Sonymen qatar, buryn tirkelgen 15 qylmys ashyldy. Kóbi usaq qylmys. Barlyǵy 2,5 myń ákimshilik quqyqbuzýshylyq tirkeldi. Olardyń arasynda qoǵamdyq oryndarda mas kúıinde júrgender, urlyq jasaǵandar bar. Dalada úı-kúısiz júrgen 25 adam ýaqytsha beıimdeý ortalyǵyna ornalastyryldy»,- dep habarlady oblystyq ІІD baspasóz qyzmeti.
Mereke kúnderi jol erejesin buzǵandar da az bolmady. Barlyǵy 1,5 myńnan astam júrgizýshi jol erejesin buzdy. Mas kúıinde rýlde otyrǵandar men jyldamdyqty asyrǵandarǵa aıyppul salyndy.
