Mereke kúnderi 20 astanalyq tamaqtan ýlanyp qaldy
ASTANA. QazAqparat - Elorda Jańajyldyq mereke kúnderi 20 adam tamaqtan ýlanyp qaldy. Bul týraly Astana qalalyq qoǵamdyq densaýlyq saqtaý basqarmasy aıtty, dep habarlaıdy QazAqparat tilshisi.
«2018 jylydń 30 jeltoqsany men 2019 jyldyń 2 qańtary aralyǵynda qalalyq ınfektsııalyq aýrýhanaǵa ótkir bakterııalyq-ishek ınfektsııasy dıagnozymen 20 adam júgindi. Olardyń 16-sy aýrýhanaǵa jatqyzylyp, qalǵandary ambýlatorlyq em alý úshin turǵylyqty jerlerine jiberildi», - delingen basqarma habarlamasynda.
Sonymen qatar, vedomstvo málimetinshe, balalar ınfektsııalyq aýrýhanasyna ótkir bakterııalyq-ishek ınfektsııasy dıagnozymen 1 bala jatqyzylǵan.
«Barlyq patsıentterdiń jaǵdaıy ortasha aýyrlyq deńgeıi retinde baǵalanady. Olar aýrýhana mamandarynyń baqylaýynda», - dedi basqarmadan.
