Mereke kúnderi jedel járdem brıgadalary 23 myńnan astam shaqyrtýǵa qyzmet kórsetti
ASTANA. KAZINFORM – Mereke kúni jedel járdem brıgadalary barlyq óńirlerde 23 myńnan astam jedel járdem shaqyrtýlaryna qyzmet kórsetti.
Densaýlyq saqtaý mınıstrliginiń dereginshe, naýqastarǵa barýdyń basym bóligi Almaty qalasynda, Túrkistan, Almaty oblystarynda jáne respýblıkanyń astanasynda tirkeldi.
Tótenshe jaǵdaılar qurylymynda aýrýlardan basqa, úıde bosaný, jol-kólik oqıǵalary, órt, ýlaný jáne kóp qabatty úılerden qulaý kezinde alǵashqy kómek kórsetildi.
Ulttyq shuǵyl medıtsına ortalyǵynyń sanıtarııalyq avıatsııasy kúshterimen Semeı-Úrjar baǵyty boıynsha quramynda reanımatolog pen feldsher, al Shymkentten Shardaraǵa quramynda kombýstıolog pen reanımatolog bar 2 ushý júzege asyryldy.
Barlyq naýqastarǵa oblystyq statsıonarlarda bilikti medıtsınalyq kómek kórsetildi.