Mereke kúnderi qosymsha poıyzdar men 398 qosymsha vagon jolǵa shyǵady

ASTANA. KAZINFORM — Naýryz merekesi jáne meıram aldyndaǵy kúnderi «Jolaýshylar tasymaly» AQ jolaýshylar sanynyń ulǵaıýyna baılanysty qosymsha poıyzdar men vagondardy qosady. Bul týraly ulttyq tasymaldaýshy kompanııanyń baspasóz qyzmeti málim etti. 

Qosymsha úsh poıyz kelesi baǵyttar boıynsha eki baǵytta júredi:

 «Astana-Almaty-1» baǵyty boıynsha № 201/202 poıyzy, 4 reıs;
«Astana-Shymkent» baǵyty boıynsha № 203/204 poıyzy, 3 reıs;
«Aqtóbe-Shymkent» baǵyty boıynsha № 205/206 poıyzy, 2 reıs.

Mereke kúnderi 7 naýryzdan bastap jolaýshylar poıyzdaryna, ásirese, tasymaldaýǵa suranysy joǵary baǵyttarǵa 398 qosymsha vagon qosylady.

Poıyzd qozǵalysynyń kestesi boıynsha tolyq aqparatty «1433» tegin nómiri boıynsha, «KTZH_PP_BOT» telegram-boty arqyly alýǵa bolady, sondaı-aq @jolaushylar_tasymaly ulttyq tasymaldaýshysynyń paraqshasynan tanysýǵa bolady.