Qazaqstanda 6 myńnan astam aýyl sýmen qamtyldy
ASTANA. KAZINFORM — Qarjylandyrý respýblıkalyq jáne jergilikti bıýdjetter, Ulttyq qor, sondaı-aq arnaıy memlekettik qor qarajaty esebinen júzege asyrylyp jatyr.
Jergilikti atqarýshy organdardyń ótinimderi negizinde kezeń-kezeńimen iske asyrylatyn jospar ázirlendi. Ol sheńberde izdestirý-barlaý jumystaryn júrgizý, jobalyq-smetalyq qujattamany ázirleý, sýmen jabdyqtaý nysandaryn salý, sondaı-aq sýdy tazartýdyń blokty-modýldik stantsııalaryn ornatý kózdelgen.
Negizgi nátıjeler
Jalpy, tapsyrmany iske asyrý kezeńinde:
- 835 mlrd teńgeden astam qarjy bólindi;
- 34 qala men 756 aýyldyq eldi meken sýmen jabdyqtaý qyzmetterine qol jetkizdi;
- 699 aýylda jergilikti bıýdjet esebinen sýdy tazartýdyń blokty-modýldik stantsııalary ornatyldy.
Qazirgi ýaqytta Memleket basshysy tapsyrmasynyń maqsatty kórsetkishi tolyq oryndalyp, eldegi barlyq eldi mekender sýmen jabdyqtaý qyzmetterimen qamtyldy.
Atap aıtqanda, 90 qala men 6 075 aýyldyq eldi meken (halqy 7,5 mln adam) tolyq qamtylǵan.
Sonyń ishinde:
- 4 725 aýyldyq eldi meken ortalyqtandyrylǵan sýmen jabdyqtaý júıelerine qosylǵan (aýyl halqynyń 96%-y qamtylǵan);
- 1 350 aýyldyq eldi meken ortalyqtandyrylmaǵan sýmen jabdyqtaý júıelerimen qamtamasyz etilgen (aýyl halqynyń 4%-y), onyń ishinde:
- 1 103 aýylda blokty-modýldik tazartý stantsııalary ornatylǵan (aýyl halqynyń 3,6%-y qamtylǵan);
- 233 shaǵyn aýylda sýmen jabdyqtaý jeke uńǵymalar arqyly júzege asyrylady;
- 14 aýylda shalǵaı ornalasýyna jáne sý kózderiniń bolmaýyna baılanysty sý tasymaldaý arqyly jetkiziledi.
Sýmen jabdyqtaýdyń ártúrli modelderin qoldaný halyqty sýmen qamtýdy qamtamasyz etip qana qoımaı, tıimsiz kúrdeli shyǵyndardyń aldyn alýǵa múmkindik beredi.
Sýmen jabdyqtaý jáne sý burý júıelerin damytý men jańǵyrtý jumystary aldaǵy ýaqytta da jalǵasatyn bolady.
Atap aıtqanda, «Energetıka jáne kommýnaldyq sektorlardy jańǵyrtý» ulttyq jobasy aıasynda:
- kommýnaldyq jelilerdiń tozýyn kezeń-kezeńimen tómendetý;
- ınfraqurylymnyń senimdiligin arttyrý;
- resýrstardy basqarý men esepke alýdyń zamanaýı tehnologııalaryn engizý kózdelgen.
Sonymen qatar, 2026 jyly jalpy sıpattaǵy transfertter esebinen sýmen jabdyqtaý jáne sý burý boıynsha 320 jobany iske asyrýǵa 209 mlrd teńge bólindi. Onyń ishinde qalalarǵa — 144 mlrd teńge, aýyldyq eldi mekenderge — 65 mlrd teńge baǵyttaldy.
Aıta ketelik 90 qala men 6 087 aýyl aýyz sýmen 100 paıyz qamtylǵan edi.
