Búgin el aýmaǵynda jel kúsheıip, daýyl turady - Qazgıdromet

ASTANA. KAZINFORM — «Qazgıdromet» RMK el aýmaǵynda 9 mamyrda bolatyn qaýipti meteorologııalyq qubylystarǵa boljam jasady.

Derekke qaraǵanda, ońtústik tsıklony jáne onymen baılanysqan atmosferalyq frontaldy bólikter Qazaqstan terrıtorııasyna áserin saqtaıtyn bolady. ıAǵnı, naızaǵaı oınap, burshaq, jańbyr jaýady, elimizdiń soltústigi men ońtústik-shyǵysynyń taýly aýdandaryna qatty jańbyr jaýady.

Tek respýblıkanyń shyǵysy antıtsıklon jotasynyń áserinde bolady — jaýyn-shashynsyz aýa raıy boljanady.

QR boıynsha jeldiń kúsheıip, ońtústikte shańdy daýyl, daýyl turýy múmkin.

- Kúndiz Abaı oblysynda qatty ystyq bolady.

Qyzylorda, Jambyl, Túrkistan, Mańǵystaý, Qaraǵandy, Abaı, Jetisý oblystarynda, Almaty oblysynyń soltústigi men ortalyǵynda, Atyraý oblysynyń ońtústik-batysynda, Batys Qazaqstan oblysynyń batysynda, Aqtóbe, Pavlodar oblystarynyń ońtúsgigi, ońtústik-shyǵysy, batysynda, Qostanaı oblysynyń ońtústiginde, Shyǵys Qazaqstan oblysynyń soltústik-batysy men ońtústiginde, Aqmola oblysynyń batysy, ońtústigi men shyǵysynda joǵary órt qaýpi saqtalady, - dep jazdy sınoptıkter.

Túrkistan oblysynyń batysynda, shóldi aýdandarynda, Qyzylorda oblysynyń shyǵysynda, ortalyǵynda, Jambyl oblysynyń batysy men ortalyǵynda, Jetisý oblysynyń batysynda tótenshe órt qaýpi bar.

Aıta keteıik, aýa raıyna baılanysty birqatar óńirde eskertý jarııalandy.