Mereke kúni el aýmaǵynda jel kúsheıip, shańdy daýyl turady
ASTANA. KAZINFORM – Qazgıdromet RMK el aýmaǵynda 7 mamyrda bolatyn qaýipti meteorologııalyq qubylystarǵa boljam jasady.
Derekke qaraǵanda, atmosferalyq frontaldy bólikterdiń ótýine baılanysty eldiń batysynda, soltústik-batysynda, soltústiginde naızaǵaı oınap, jańbyr jaýady.
- Qazaqstannyń batysynda, soltústik-batysynda qatty jańbyr, burshaq kútiledi. Basqa aımaqtarynda jaýyn-shashynsyz aýa raıy saqtalady. Respýblıka boıynsha jeldiń kúsheıýi, ońtústikte shańdy daýyl turyp, batysynda tuman túsedi, - delingen boljamda.
Qyzylorda, Jambyl, Túrkistan oblystarynda, Almaty oblysynyń soltústigi men ortalyǵynda, Atyraý oblysynyń ońtústik-batysynda, Batys Qazaqstan oblysynyń ortalyǵynda, Qaraǵandy oblysynyń batysy, ońtústigi men shyǵysynda, Ulytaý oblysynyń shyǵysy, ońtústigi men ortalyǵynda, Aqtóbe oblysynyń ońtústiginde, shyǵysynda, Pavlodar oblysynyń ońtústigi, ońtústik-shyǵysynda, Qostanaı oblysynyń ońtústiginde, Mańǵystaý oblysynyń soltústigi, shyǵysy, ońtústigi men ortalyǵynda, Shyǵys Qazaqstan oblysynyń soltústik-batysy men ońtústiginde, Aqmola oblysynyń batysy men ońtústiginde, Jetisý oblysynyń batysy, soltústigi men ońtústik-shyǵysynda, Abaı oblysynyń soltústik-batysy, ońtústigi men ortalyǵynda, Soltústik Qazaqstan oblysynyń ońtústiginde joǵary órt qaýpi kútiledi.
Túrkistan oblysynyń batysynda, shóldi aýdandarynda, Qyzylorda oblysynyń ortalyǵynda, Jambyl oblysynyń batysynda tótenshe órt qaýpi bar.
Eske sala keteıik, sınoptıkterdiń boljamy boıynsha, mamyr aıynyń basynda jel kúsheıip, qar aralas jańbyr jaýady.