Mereke kúni 8 qalada aýa sapasy tómendeıdi

ASTANA. KAZINFORM — Qaraǵandy bastaǵan 8 qalada aýa lastanady, dep habarlaıdy «Qazgıdromet» RMK baspasóz qyzmeti.

— 2025 jylǵy 1 mamyrda aýa lastanýynyń qolaısyz meteorologııalyq jaǵdaılary Qaraǵandy, Jezqazǵan, Balhash, Temirtaý, Óskemen, Atyraý, Aqtóbe, Astana qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin Atyraý munaı óńdeý zaýytynyń mańynda aýa sapasy kúni-túni tekserilip jatqany habarlandy.