Mereke kezinde HQKO-lar qalaı jumys isteıtini belgili boldy

ALMATY. KAZINFORM – Astana kúnine baılanysty 7 shilde, dúısenbi kúni HQKO-lar men mamandandyrylǵan HQKO-lar jumys istemeıdi. Bul týraly «Azamattarǵa arnalǵan úkimet» memlekettik korporatsııasy málim etti.

– Senbi, 5 shilde kúni kezekshi HQKO-lar men MHQKO-lar úshin jumys kúni. Bul kúnderi halyqqa qyzmet kórsetý ortalyqtary 9:00-den 13:00-ge deıin qyzmet kórsetedi, mamandandyrylǵan HQKO-larda ótinishterdi qabyldaý 12:00-ge deıin júzege asady, al daıyn qujattardy 13:00-ge deıin alyp ketýge bolady,– dep habarlady korporatsııadan. 

Aıta keteıik, Shyǵys Qazaqstan oblysynyń halyqqa qyzmet kórsetý ortalyqtarynyń jumys kúni bir saǵat buryn bastalyp, bir saǵat buryn aıaqtalady.

8 shildeden bastap barlyq halyqqa qyzmet kórsetý ortalyqtary ádettegi kestege saı qyzmet kórsetedi.

Bul rette kezekshi halyqqa qyzmet kórsetý ortalyqtardyń mekenjaılaryn Memlekettik korporatsııanyń Instagram jelisindegi resmı paraqshasy jáne 1414 biryńǵaı baılanys ortalyǵy arqyly bilýge bolady.

Osyǵan deıin, bıyl shildede qazaqstandyqtar demalys jáne mereke kúnderin qosa alǵanda, 9 kún demalatyny týraly jazǵanbyz.