«Mereke kezinde sheneýnikterdiń shetelge shyǵýyna tyıym salyndy» - respýblıkalyq basylymdarǵa sholý

ASTANA. 27- jeltoqsan. QazAqparat - Qazaq aqparat agenttigi respýblıkalyq basylymdarda 27 jeltoqsan, seısenbi kúni shyqqan ózekti materıaldarǵa sholýdy usynady.

***

Keshe Qazaqstan Respýblı­ka­sy Úkimetiniń qaýlysymen Tı­mýr Asqaruly Qulybaev «Sa­muryq-Qazyna» Ulttyq ál-aýqat qory» AQ basqarma tóraǵasy qyzmetinen bosat­yl­dy. Al Ómirzaq Estaıuly Shóke­ev Memleket basshysynyń Jar­lyǵymen basqa jumysqa aýysýyna baılanysty Qazaqstan Respýb­l­ı­k­asy Premer-Mınıstriniń birinshi orynbasary qyzmetinen bosatyldy. Elimizde bolǵan osy jáne ózgede kadrlyq ózgerister jóninde «Egemen Qazaqstan» basylymynyń búgingi sanynan bilýge bolady.

Sondaı-aq osy basylymnyń jazýynsha, Keshe Qaırat Mámıdiń tóraǵalyq etýimen Parlament Senaty bıýrosynyń otyrysy boldy. Komıtetter men Senat apparatyna respýblıka Úkimetinen kelip túsken zań jobalary berildi. Depýtattar «Teleradıo ha­bar­laryn taratý týraly» zań jobasyn jáne qoldanystaǵy keıbir zańnamalyq aktilerge teleradıo habarlaryn taratý máse­le­le­ri boıynsha ózgerister engizý tý­raly zań jobasyn birinshi oqy­lymda talqylaıtyn bolady. Jalpy otyrysta «Qazaqstan Respýblıkasynyń arnaýly memlekettik organdary týraly» zań jobasy jáne qoldanystaǵy bir­qatar zańnamalyq aktilerge arnaýly memlekettik organdary máseleleri boıynsha ózgerister engizý týraly zań jobasyn birinshi oqylymda qaraý kózdelip otyr. Odan basqa otyrysta «Qa­zaqstan Respýblıkasynyń keıbir zańnamalyq aktilerine qylmys­tyq-atqarý júıesi máseleleri boı­ynsha ózgerister men tolyq­­ty­rýlar engizý týraly» zań jo­basyn birinshi oqylymda qaraý kózdelýde. Bul týraly «Senat bıýrosynyń kezekti otyrysy ótti» atty maqalada.

***

Aıqyn» basylymynyń jazýynsha,Qazaq taǵamtaný akademııasy belgili amerıkalyq kommertsııalyq emes «Oldways» uıymymen birge qazaqstandyq tamaqtaný júıesin ázirlemek. Osy uıymynyń prezıdenti Sara Baer-Sınottyń aıtýynsha, qazaq halqy et ónimderin mol tutynady. Ony jas kúıinde de, súrlep te, shujyq jasap ta jeıdi eken. Biraq sheteldik dıeta ustaý tásilderine úırenip, et ónimderinen bas tartatyndar da bar eken. Bul - durys emes. Árbir halyqtyń ózindik tamaqtaný júısei bolýy qajet, olar bir-birine sáıkes kelmeıdi. Sondyqtan ózge eldiń tásilin betke ustap, ata-babalar san jyldan beri tutynyp kelgen taǵamnan bas tartý-aǵzaǵa tek zııanyn tıgizedi»,-deıdi uıym basshysy. Endeshe jańa júıeniń syry nede jáne ol biz úshin qanshalyqty paıdaly?. Buny «Aıqyn» basylymynyń búgingi sanyndaǵy «Otandyq tamaqtaný júıesi jasaldy» atty maqaladan bilýge bolady.

Sondaı-aq osy basylymynyń jazýynsha, respýblıkalyq qoǵamdyq-saıası «Prezıdent jáne halyq« gazetiniń respýblıkalyq «Ýaqyt tańdaýy» agenttigimen birlesken jobasy boıynsha Táýelsizdik kúni qarsańynda dástúrli jyl tańdaýlary aıqyndaldy. «Jyldyń úzdik oblys ákimi» atalymy boıynsha jeńimpaz bolyp, Shyǵys Qazaqstan oblysynyń ákimi Berdibek Saparbaevtyń esimi ataldy. Oblys ákimi nelikten eń úzdik dep tabyldy? Bul saýaldyń jaýabyn «Aıqyn» basylymynyń búgingi sanyndaǵy «Jyldyń úzdik oblys ákimi» atty maqaladan bilesizder.

***

Qazaqstandyqtardyń 67,2 paıyzy aldaǵy jylǵa belgilengen Májilis depýtattarynyń saılaýynda daýys berýge daıyn. Saıası áleýmettik-zertteýler ınstıtýty júrgizgen onkúndik saýalnamanyń nátıjesi osyndaı. Sondaı-aq osy saýalnama barysynda elimizdiń azamattarynyń qansha paıyzy qaı partııaǵa daýys beretindigi de zerttelipti. Bul máselelerdi «Alash aınasy» basylymynyń búgingi sanyndaǵy «Halyqtyń 67,2 paıyzy daýys berýge daıar» atty maqalada.

Sondaı-aq atalmysh basylym búgingi sanynda «Mereke kezinde sheneýnikterdiń shetelge shyǵýyna tyıym salyndy» atty maqala jaryq kórdi. Maqalaǵa keshe Aqordada Memleket basshysy Nursultan Nazarbaev pen elimizdiń ózge de birqatar laýazym ıeleri qatysqan keńes barysynda kóterilgen máseleler arqaý bolǵan. Memleket basshysy Nursultan Nazarbaev onda daǵdarys kezinde erekshe yjdahatty bolý qajettigin eskertti. «Eń aldymen bul memlekettik organdar men ulttyq kompanııalardyń shyǵystaryna qatysty. Olar qymbat turatyn is-sharalardy tanystyrylymdardy, halyqaralyq konferentsııalardy ótkizýden bas tartýlary tıis»,-dep atap kórsetti. Jıynda kóterilgen osy jáne ózge de máseleler jóninde «Alash aınasy» basylymynyń búgingi sanynan bilýge bolady.

***

Keshe elordadaǵy Táýelsizdik saraıynda Memlekettik hatshy Qanat Sýdabaevtyń qatysýymen Qazaqstan halqy Assambleıasy Keńesiniń májilisi ótti. Onda Assambleıanyń Qazaqstannyń birligin arttyrýdaǵy rólin nyǵaıtý máselesi talqylanyp, uıymnyń bıylǵy jylǵy jumysy qorytyndylandy. Kún tártibindegi basty máselelerdiń biri - Májilis depýtattarynyń saılaýyna Assambleıa atynan túsetin azamattardy irikteýge qatysty boldy. Jıynda kóterilgen osy jáne ózge de máseleler «Kazahstanskaıa pravda» basylymynyń búgingi sanynda «Assambleıa vydvınýla kandıdatov» degen taqyryppen basyldy.