Mereke qarsańynda Tarazda úshem dúnıege keldi
Jalpaqtóbe aýylynda turatyn o tbasy tiregi - Álınur Abdýllaev sýpervaızer, anasy - Ýmıda Ashırova zerthanashy bolyp jumys isteıdi. Olar buǵan deıin eki qyz tárbıelep kelgen: 2015 jyly týǵan Aılaný jáne 2018 jyly dúnıege kelgen Amelııa.
Jambyl oblysy densaýlyq saqtaý basqarmasy baspasóz qyzmetiniń málimetinshe, bul júktilik otbasy úshin tosyn syı boldy, úshinshi ret kótergen jas áıel birden úshem bosanǵan.
«Úshem qyzdar merziminen buryn, júktiliktiń 35 aptasynda dúnıege keldi. Nárestelerdiń týý salmaǵy 1980, 2120 jáne 2020 gramm boldy. Olarǵa ádemi esimder berildi: Aılın, Álııa jáne Elıf. Shala týylǵan náresteler odan ári tekserý jáne kútim jasaý úshin neonatologııa bólimine aýystyryldy. Qazir qyzdardyń ómirine qaýip tónip turǵan joq, olarǵa arnaıy kútim jasalýda», - dep jazdy vedomstvodan.
Qazir balalar anasymen birge.
Jas kelinshekke emshek sútimen emizý, salmaǵy az nárestelerge kútim jasaý, sondaı-aq qaýipti belgilerdiiń aldyn-alý men onymen jumys boıynsha keńester berilýde.