Mereke qarsańynda Qoja Ahmet ıAsaýı kesenesinde 1500-den asa bala boldy
TÚRKІSTAN. QazAqparat - «Halyqaralyq balalardy qorǵaý» kúni aıasynda Túrkistandaǵy Qoja Ahmet ıAsaýı kesenesindegi tarıhı orynnyń mol muralaryn 1500-den asa bala tamashalady.
Olardyń arasynda Malaızııadan, Reseıden, Ózbekstannan jáne Qyrǵyzstannan kelgen jetkinshekter boldy, dep habarlaıdy QazAqparat tilshisi.
Tańerteńnen kesenege aǵylǵan balalarǵa arnaıy ekskýrsııa uıymdastyrylyp, Taıqazan, Úlken Aqsaraı, kishi Aqsaraı, ashana men qudyqhana bólmeleri kórsetildi. Sondaı-aq, tarıhı tulǵalar jaıly málimet berilip, Rábııa Sultan Begim ana, jerasty qylýeti men shyǵys monshalary tanystyryldy.
Aıta keteıik, «Áziret Sultan» memlekettik tarıhı-mádenı qoryq-mýzeıi elimizdegi irgeli mýzeılerdiń biri retinde mektep týrızmin damytý, oqýshylarmen baılanys máselelerine de jete mán berip keledi. Osy oraıda orta jáne arnaýly orta bilim berý mekemelerinde túrli taqyryptarda lektsııalar ótkizilip, murajaı ekspozıtsııasy alańdarynda túrli taqyryptaǵy kórmeler uıymdastyrady. Kóshpeli kórmeler elimizdiń barlyq oblystary men aýdan-qalalaryn qamtıdy.
Sonymen qatar, mektep oqýshylarynyń «Áziret Sultan» qoryq-mýzeıine jazǵy jáne toqsandyq demalys kúnderi tegin kirýi múmkindigi qarastyrylǵan. Jyl basynan bergi tórt aı ishinde mýzeıdi 61 343 oqýshy tegin tamashalaýǵa múmkindik alǵan. Budan bólek, qyrkúıek aıynyń birine deıin kez-kelgen oqýshy «Áziret Sultan» qoryq-mýzeıine tegin kire alady. Olar Elbasy N.Á.Nazarbaevtyń «Tsıfrly Qazaqstan» jobasy negizinde Qoja Ahmet ıAsaýı kesenesinde shaǵyn kınozalǵa kelip, tarıhı jáne derekti, anımatsııalyq fılmderdi tamashalaı alady.
