Mereke qarsańynda eriktiler elorda bazarlarynda jumys isteıtin áıelderge gúl taratady
NUR-SULTAN. QazAqparat – Halyqaralyq áıelder kúni qarsańynda «Astana jastary» jastar resýrstyq ortalyǵynyń eriktileri elorda bazarlarynda jumys isteıtin áıelderge gúl shoqtaryn syılaıdy, dep habarlaıdy qala ákimdiginiń resmı saıty.
Atalmysh shara Táýelsizdiktiń 30 jyldyǵyna oraı «30 ıgi is» uranymen bastalǵan «Igi ister marafony» jobasy aıasynda uıymdastyrylmaq.
Halyqaralyq áıelder kúnine oraı «Anaǵa taǵzym» aktsııasyn «Astana jastary» ortalyǵy demeýshilerdiń qoldaýymen úshinshi ret ótkizip otyr.
«SOS» balalar aýylynyń tárbıelenýshileri eriktilermen birge 600 gúl syılaıdy.
Іs-sharanyń maqsaty - balalardy áleýmettendirý, qarym-qatynas daǵdylaryn úıretý jáne emotsıonaldy zııatkerlikti damytý, balalardy bala kúnine syılyq berýge úıretý.
