Mereke qarsańynda elordada 22 sábı dúnıege keldi
NUR-SULTAN. QazAqparat - Elorda perzenthanalarynda 30 qarashadan 1 jeltoqsanǵa qaraǵan túni 22 náreste dúnıege keldi, dep habarlaıdy QazAqparat tilshisi.
Aıtýly mereke kúni dúnıe esigin ashqan sábılerdiń analaryn qala ákiminiń orynbasary Baqtııar Máken quttyqtady.
«Osyndaı erekshe kúni dúnıege kelgen nárestelerdiń baýy berik bolsyn! El azamattary bolyp óssin. Tuńǵysh Prezıdent kúni ózderińizdi arnaıy quttyqtaı keldik. Jyl sanap dúnıe esigin ashqan sábılerdiń sany arta bersin», - dedi B. Máken.
Náresteli bolǵan analarǵa sábıdiń týý týraly kýáligi men syılyqtar tabys etildi.
«Túngi saǵat 00:00-den osy ýaqytqa deıin bizdiń ortalyqta 10 sábı dúnıege keldi. Onyń 5-ýi er bala, 5-ýi qyz bala. Barlyq bosaný sátti ótti, sábılerde, analary da ózderin jaqsy sezinýde», - dedi qalalyq №2 kópbeıindi aýrýhananyń dırektory Ivan Lı.
Aıta keterligi, qalada dúnıege kelgen 22 balanyń 11-i qyz bala, 11-i ul bala.
