Mereke qarsańynda Aýǵan soǵysynda qaza tapqan jaýyngerlerdiń analary ardaqtaldy
ASTANA. 7 naýryz. QazAqparat - Búgin Astana ákimdigi Aýǵan soǵysynda qaza tapqan jaýyngerlerdiń analaryn 8 naýryz - Áıelder kúnimen quttyqtady.
«Bul jylsaıynǵy dástúr. Búgin Astana ákimdigi Aýǵan jerinde ajal qushqan 10 jaýynger-ınternatsıonalıstiń analaryn quttyqtaý úshin shaqyryp otyr. Biz analarymyzǵa zor densaýlyq, uzaq ómir tileımiz», - deıdi Astana qalasy Jumyspen qamtý jáne áleýmettik baǵdarlamalar basqarmasy bastyǵynyń orynbasary Lázzat Ábýova.
Qala basshylyǵy elordadaǵy jaýynger-ınternatsıonalısterdi jáne qaza tapqan bozdaqtardyń ata-analaryn nazardan tys qaldyrǵan emes. Olarǵa jyl saıyn qurmet kórsetilip, aqshalaı syılyqtar tabystalady. Búgin de olar syılyqtarmen marapattaldy.
Bul soǵysqa Qazaqstannan 22 myń azamat qatysyp, onyń 924-i opat bolyp, 1015 jaýynger múgedek bolyp qaldy jáne 21 adam habarsyz ketti.
