Mereke Aqtóbe oblysynyń eki turǵyny úshin qaıǵyly aıaqtaldy
AQTÓBE. 26 naýryz. QazAqparat - Aqtóbe oblysyna qarasty Qarǵaly aýdanyndaǵy Badamsha aýylynyń eki turǵyny úshin merekelik kúnder qaıǵyly aıaqtaldy.
Oblystyq ІІD-de bolǵan brıfıngte habarlaǵandaı, 22 naýryz kúni keshke Badamsha aýlyndaǵy bir úıdiń aýlasynan jaraqattanǵan eki 19 jasar jigit aýrýhanaǵa jetkizildi. Olardyń birinshisiniń qursaq tusy jaralanǵan bolsa, ishine oq tıgen ekinshisi esin jınamastan aýrýhanada kóz jumdy.
Taǵy bir 19 jasar jigit Badamsha aýylynyń Áıteke bı kóshesindegi úıdiń páterinde ańshylyq myltyqtan ózin ózi atyp, mert boldy. Atalǵan fakti boıynsha tergeý amaldary júrgizilip jatyr. Oqıǵanyń sebepteri anyqtalý ústinde.
Naýryzdyń 20-nan 26-na deıin Aqtóbe oblysynda barlyǵy 157 qylmys pen oqıǵa tirkeldi, sonyń 62-siniń izi sýymaı ashyldy.
Sonymen qatar, buryn jasalǵan 34 qylmys ashylyp, izdeýde júrgen 2 adam qolǵa túsirildi.
