Mercedes jasandy ıntellekt arqyly basqarylatyn kólikter shyǵarady
ASTANA. KAZINFORM – Mercedes-Benz Nvidia jasandy ıntellektimen basqarylatyn júrgizýshisiz kólikterdi jappaı shyǵarýǵa daıyndalyp jatyr.
Germanııanyń Mercedes-Benz avtokólik óndirýshisi men amerıkalyq Nvidia tehnologııalyq kompanııasy aldaǵy on jylda avtonomdy kólik júrgizý salasyndaǵy yntymaqtastyqty damytý týraly kelisimge keldi.
BILD basylymynyń jazýynsha, seriktester kúrdeli jol jaǵdaıynda ózdiginen baǵdar tabýǵa, jol qıylystaryn tanýǵa jáne turaq oryndaryn anyqtaýǵa kómektesetin ıntellektýaldy júıelerdiń jańa býynyn ázirleýdi josparlap otyr.
Ázirlemeniń negizin Mercedes kompanııasynyń MV.OS operatsııalyq júıesi men «Nvıdıa» kompanııasynyń jasandy ıntellekt tehnologııalary quraıdy. Alpamayo platformasy kólikterge aınaladaǵy jaǵdaıdy dálirek taldaýǵa, yqtımal qaýipti jaǵdaılardy boljaýǵa jáne tıisti áreket tásilin tańdaýǵa múmkindik beredi.
Uzaq merzimdi perspektıvada kompanııalar avtonomdy júrgizýdiń tórtinshi deńgeıine kóshýdi kózdep otyr. Avtomattandyrýdyń bul deńgeıinde avtomobıl belgili bir jaǵdaılarda adamnyń turaqty baqylaýynsyz barlyq júrgizý mindetin ózdiginen oryndaı alady.
Ázirlenip jatqan tehnologııalardy robotaksılerde de qoldaný múmkindigi qarastyrylyp jatyr.
Mercedes-Benz serııalyq kólikterde jańa fýnktsııalardyń qashan paıda bolatynyn ázirge jarııalaǵan joq.
Buǵan deıin Astanada júrgizýshisiz kólik synaqtan ótkizilgeni habarlanǵan bolatyn.
