Mercedes mingen mas din qyzmetshisin artynan qýyp, jaǵa jyrtysyp ustaýǵa týra keldi
ASTANA. QazAqparat - Reseıdegi eń úlken otbasynyń otaǵasy, Orynbor oblysyndaǵy Kıeli Troıtsk meıirimdilik shirkeýiniń aǵa dinı qyzmetshisi Nıkolaı Stremskıı mas kúıinde polıtsııamen jarysqandaı kúı keshti.
Tártip saqshylary «Turaqqa qoıýǵa tyıym salynǵan» belgisi ornatylǵan jerdiń qasynda turǵan Mercedes kóligina nazar aýdarǵan. Júrgizýshiden qujattardy kórsetýdi suraǵanda, ol kóligin ornynan qozǵap, qasha jóneldi.
Avtomobıl Kıeli Troıtsk meıirimdilik shirkeýiniń aýmaǵynda ustaldy. Alkogoldik mas belgileri bolǵan júrgizýshi ustaý kezinde qarsylyq tanytyp, polıtseılerdi ıterip, olardan taǵy qashpaq bolǵan. Kúsh qoldanýyna týra kelgen polıtseıler din qyzmetshisiniń qolyn baılap, bólimge jetkizdi. Qazirgi kezde is materıaldary sotqa jiberilgen.
Nıkolaı Stremskııdiń ózge de birneshe dinı qyzmetteri bar. Ol sondaı-aq Orynbor eparhııalyq dinı ýchılışeniń rektory jáne pravoslavıelik jalpy bilim berý gımnazııasynyń dırektory bolyp tabylady.
