Mer bolýǵa úmitker saılaýaldy pikirtalas kezinde qaıtys boldy

Jergilikti BAQ-tyń derekterine súıensek, 57 jastaǵy Manýel Alvares suraqtar raýndynan keıin ózin jaısyz sezingen. Saıasatker aýrýhanaǵa jetkizildi, alaıda dárigerler onyń ómirin saqtap qala almady. Pikirtalas qala mektepteriniń birinde ótken.

Alvares «Respýblıkalyq usynys» oppozıtsııalyq partııasynyń atynan shyqqan. Ony prezıdenttikke kandıdat Maýrısıo Makrı basqarady. Alvarestiń jaqtastary kóp.

25 qazanda Argentınada prezıdenttik saılaý ótedi, sondaı-aq birqatar provıntsııalarda gýbernatorlar men merler saılanady. Memleket basshysy oryntaǵyna negizgi úmitkerler Makrı men «Jeńis úshin maıdan» basqarýshy peronısttik alıanstan kandıdat Danıel Stsıolı bolyp tabylady. Aǵymdaǵy jylǵy 9 tamyzda ótken bastapqy saılaýlarda Stsıolı 38,41%, onyń básekelesi - Makrı, - 24,28% jınady.

85 myńǵa jýyq halqy bar Pýerto-Igýasý qalasy Argentına, Brazılııa, Paragvaı arasyndaǵy shekaralyq úshburyshta Argentınanyń soltústik-shyǵysynda ornalasqan, dep habarlady TASS. Qalaǵa jaqyn jerde, ulttyq saıabaqta ataqty Igýasý sarqyramasy bar.