Qyrǵyzstan Nıpah vırýsyna baılanysty Úndistannan mal ımportyn shektedi
ASTANA. KAZINFORM – Qyrǵyzstan Nıpah vırýsynyń órshýine baılanysty 2025 jyldyń 28 qańtarynan bastap Úndistannan ımporttalatyn janýarlardy, sondaı-aq janýarlardan alynatyn ónimderdi ımporttaýǵa ýaqytsha shekteý engizdi, dep habarlaıdy Kazinform agenttiginiń menshikti tilshisi.
Mal sharýashylyǵy, jaıylymdar jáne jemshópti damytý jónindegi veterınarlyq qyzmettiń málimetinshe, bul sharalar eldiń veterınarlyq-sanıtarlyq qaýipsizdigin qamtamasyz etýge baǵyttalǵan.
Nıpah vırýsy qaýipti zoonozdy ınfektsııa bolyp sanalady jáne janýarlardan adamǵa juǵýy múmkin. Veterınarlyq qyzmet azamattarǵa shyǵarylǵan jeri belgisiz janýarlardan alynatyn ónimderdi satyp alýdan bas tartýdy jáne barlyq veterınarlyq qujattardyń usynylýyn qamtamasyz etýdi usynady.
Buǵan deıin Tájikstannyń Nıpah vırýsyna baılanysty tótenshe sharalar engizip jatqany habarlanǵan bolatyn.
Qazaqstan Respýblıkasynyń Ulttyq densaýlyq saqtaý ortalyǵy Nıpah vırýsyn juqtyrý jaǵdaılary anyqtalǵandyqtan, Úndistandaǵy qazaqstandyq týrısterge usynystar berdi.
Nıpah vırýsyna baılanysty birneshe el shekaralarynda sanıtarlyq baqylaýdy kúsheıtti.