Mennı Pakıao: «Olımpıadada óz elimniń atynan shyqsam keremet bolar edi»
ASTANA. QazAqparat - 37 jastaǵy fılıppındik Mennı Pakıao eger taıý ýaqytta 2016 jylǵy Olımpıadaǵa kásibı oıynshylardy qatystyrý týraly sheshim qabyldansa, óz eli úshin rıngke shyqqysy keletinin aıtty.
Buǵan deıin onyń promoýteri Bob Arým Pakıaonyń Olımpıadaǵa qatysa almaıtynyn málimdegen edi.
«Olımpıadada Fılıppın eliniń atynan shyǵý men úshin qurmet bolatyn edi. Meni jarysqa qatysýǵa Halyqaralyq áýesqoı boks federatsııasynyń prezıdentiniń ózi shaqyrǵan. Nege barmasqa? Men elim úshin taǵy bir paıdaly is jasaǵym keledi», - degen álemge tanymal kásibı boksshynyń sózin keltiredi sport-express.ru.
