Menıngokok juqpasynan ekpe alý mindetti emes - dárigerler
ALMATY. QazAqparat - Almaty dárigerleri menıngokok juqpasynan ekpe alý jalpyǵa mindetti emes ekendigin málim etti, dep habarlaıdy QazAqparat tilshisi.
Mamandardyń aıtýynsha, Almatyda atalǵan juqpanyń A jáne V serotıpteri taralyp jatyr. Bul juqpaǵa qarsy ekpeler Reseıde, Shveıtsarııada, Germanııada jasalady.
Almatyǵa mundaı ekpeler mamyr aıynyń sońynda jetkiziledi.
«Menıngokok ekpeleri mamyr aıynyń sońynda Almaty emhanalaryna jetkiziledi. Biraq ol tegin medıtsınalyq kólemine kirmeıdi. Elimizde aýrýlarǵa qarsy vaktsınoprofılaktıka kúntizbesi bekitilgen. Menıngokok juqpasy bul kúntizbege kirmeıdi. Ekpeler jekemenshik emhanalarda aqyly túrde jasalady. Byltyr ol 22 myń teńge turǵan. Bıyl qansha bolaryn bilmeımin», - dedi qalalyq Qoǵam densaýlyǵyn qorǵaý departamentiniń basshysy Aızat Moldaqasymova.
Byltyr 2 myń ekpe satylyp alynǵan eken.
«Negizinen ekpeni qajylyqqa, shetelge shyǵatyn adamdar alady. Jappaı ekpe alýdyń qajeti joq. Bul aýrý tez taralatyn indetke jatpaıdy. Juqpalar qorshaǵan ortaǵa tózimdi emes», - dedi ol.
Aıta ketý kerek, Almatyda sońǵy 1 aıda menıngokok juqpasynan 3 adam: 2 eresek, 1 bala kóz jumdy.
Foto: whitesandstreatment.com
