Menıngıttiń órshýi: Almatylyqtar ekpe jasaıtyn emhanalarǵa aǵylýda

Almatyǵa 1 apta buryn jetkizilgen «Nımenrıks» ekpeleri 2 jekemenshik emhanada egilýde. Qazir atalǵan emhanalarda ekpe alǵysy keletinder kún sanap artyp keledi. 

Olardyń biri - International Medical Center jekemenshik emhanasyna birinshi partııada 100 doza ekpe ákelingen. Ekpe quny 25 myń turady. Mamandardyń aıtýynsha, ekpeniń kelesi partııasy qymbattaıdy.

«Birinshi partııa bir aptanyń ishinde túgel  salyndy. Erteńnen bastap ekpe quny 27 myń teńge bolady. Adamdar telefon arqyly da habarlasyp jatyr. Biz ózimiz mundaı abyr-sabyr bolady dep oılamadyq. Negizinde qajylyqqa baratyndarǵa ǵana qajet bolar dep az ǵana alǵan bolatynbyz», - dedi emhananyń atqarýshy dırektory ıÝlııa Sadovskaıa.

Aqyly ekpe salýmen aınalysyp jatqan ekinshi emhana «Farmakom» JShS-da da adamdardyń kóptiginen qarbalas týyndap otyr.

Munda bir ekpe quny - 22 320 teńge. Emhana basshylyǵy jaqyn arada ekpe qunyn qymbattatpaıtyndyǵyn aıtýda.

«Ekpe 6 aılyq balalardan bastap salynady. Aldyn ala habarlasasyzdar, biz jazyp alamyz», - dedi «Farmakom» emhanasynda.

Aıta ketý kerek, Qazaqstanda menıgokokk juqpasyna qarsy ekpe QR DSM bekitken ekpelerdiń Ulttyq kúntizbesine kirmeıdi.

Sondyqtan, menıgokokke qarsy ekpe aqyly  túrde jekemenshik emhanalarda júrgiziledi.

Qazirgi tańda Almatyda belgııalyq "Nımenrıks" 1 dozalyq ekpesi satylyp jatyr. Atalǵan vaktsına menıngokokk (Neisseria meningitidis) juqpasynyń A, S, W- 135, Y serotobyna qarsy salynady.

«Ádette ekpe jeńil qabyldanady. Tıimdiligi 93-95%, orta eseppen 21 kúnde ımmýnıtet paıda bolady. 5 jylǵa deıin saqtalady", - delingen Qoǵam densaýlyǵyn qorǵaý departamenti taratqan aqparatta.

Budan buryn habarlanǵandaı, jyl basynan beri Qazaqstanda menıngıt ınfektsııasyn juqtyrǵan 58 naýqas tirkeldi. Olardyń 18-i 14 jasqa deıingi balalar. Jyl basynan atalǵan dertten 12 adam kóz jumdy.

Atap aıtqanda, qaýipti juqpadan Almatyda 5 adam kóz jumǵan. Almaty oblysynda qaza bolǵandardyń sany 3-ke jetti.