Menıngıt týraly jalǵan aqparat: Qylmystyq is qozǵaldy
ALMATY. QazAqparat - Almaty polıtsııasy menıngıt juqpasy týraly jalǵan aqparatty taratý deregi boıynsha qylmystyq isti tekserip jatyr, dep habarlaıdy QazAqparat tilshisi.
«Jalǵan aqparat taratý boıynsha QR QK 274-babynyń 2-bólimi boıynsha (aqparattyq kommýnıkatsııalyq jelilerdi paıdalana otyryp, jalǵan aqparat taratý) sotqa deıingi tergeý jumystary júrip jatyr»,- dedi qalalyq ІІD baspasóz qyzmeti.
Polıtsııa QR QK 201-babyna súıene otyryp, tergeý qupııasyna baılanysty qosymsha aqparatty jarııalamady.
Aıta ketý kerek, menıngokokk juqpasy mamyrdyń aıaǵy men maýsymnyń basynda ońtústik aımaqta taraǵan bolatyn.
QR DSM málimetine sáıkes, 2018 jyldyń basynan beri 63 derek tirkelgen. Onyń ishinde 13 adam juqpanyń asqynýynan kóz jumdy.
Osyǵan baılanysty, WhatsApp jelisinde belgisiz áıel adam antıbıotık dárilerin ońdy-soldy qabyldaý qajettigi týraly aýdıohabarlama taratqan edi.
