Menıngıt belgileri anyqtalǵan astanalyq balanyń týystary bakterıologııalyq tekseristen ótti
ASTANA. QazAqparat - Astanada menıngıt belgilerimen aýrýhanaǵa túsken balanyń janynda bolǵan týystary bakterıologııalyq tekseristen ótti. Bul týraly Astanadaǵy Balalar ınfektsııalyq aýrýhanasynda ótken baspasóz máslıhatynda Astana qalasynyń qoǵamdyq densaýlyq saqtaý basqarmasynyń epıdemologııa-qadaǵalaý bóliminiń bas mamany Aqmaral Meıirmanova málim etti, dep habarlaıdy QazAqparat tilshisi.
«Bul jaǵdaı boıynsha Astana qalasynyń qoǵamdyq densaýlyq saqtaý basqarmasyna shuǵyl habarlama jetti. Osyǵan baılanysty bizde mindetti túrde epıdemıodogııalyq sharalar óz ýaqytynda bastaldy. ıAǵnı ol jaqta (Almatyda - avt.) qatynasta bolǵan barlyq adamdar anyqtaldy. Olardyń sany 14. Búgingi tańda barlyq 14 adam bakterıologııalyq tekseristen ótti», - deıdi Aqmaral Meıirmanova.
Onyń aıtýynsha, 14 adam - aýrýhanaǵa túsken balamen úıde birge bolǵan jaqyn týystary jəne basseınde birge shomylǵan adamdar.
«Qatynasta bolǵan adamdardyń barlyǵy keshe keshke saǵat toǵyzǵa deıin anyqtaldy. Búgin saǵat 10.00-ge deıin bəri de bakterıologııalyq tekseristen ótti», - dep sózin nyqtaı tústi Aqmaral Meıirmanova.
Eske sala ketsek, 29 mamyr kúni 2018 jyly 29 mamyrda saǵat 13:12-de qalalyq ınfektsııalyq balalar aýrýxanasyna 3 jas 5 aılyq bala túsken bolatyn.
Búgingi ótken baspasóz máslıhatynda Astana qalalyq balalar ınfektsııalyq aýrýhanasy bas dárigeriniń medıtsına boıynsha orynbasary Olga Pýshkareva Astanada menıngıt belgilerimen aýrýhanaǵa túsken bala 24 mamyrda Almatydan kelgenin aıtqan edi.
Aıta keter bolsaq, osy kúnderi menıngokokk ınfektsııasynyń taralý ahýaly Almaty qalasynda órship tur. Sońǵy 2 aptada dərigerlerge 57 adam júgingen. Onyń 29-ynda dıagnoz rastaldy. Menıngokokk juqpasynan tórt adam qaıtys boldy - er adam, áıel, stýdent jáne 5 jasar bala.
Sondaı-aq, keshe Taldyqorǵanda menıngıtten 3 jasar bala kóz jumdy. Onyń ata-anasy tekserý úshin aýrýhanaǵa jatqyzyldy.
Foto: egymedicagroup.com
