«Meniń týym, Meniń Otanym!»: Almaty oblysynyń turǵyndary chellendjge ún qosty
Taldyqorǵan turǵyndarynyń aıtýynsha, bul chellendj azamattardyń, ásirese óskeleń urpaqtyń patrıottyq sezimin kúsheıtýge yqpal etedi.
«Elbasy Nursultan Ábishuly aıtqandaı, Memlekettik rámizder – bul memleketimizdiń, egemendigimizdiń berik negiziniń biri. Olar Táýelsizdiktiń qasıetti beınesin bildiredi. Epıdemıologııalyq jaǵdaıǵa qaramastan, biz bul kúnniń mańyzdylyǵyn umytpaýymyz kerek», - deıdi 16 qabatty turǵyn úıde turatyn Gúlnáz Ermuratova.
Sonymen qatar, qala turǵyndary da kúntizbedegi eń mańyzdy kúndi merekeleý úshin júzege asyrylǵan shyǵarmashylyq isti baǵalady.
«Men osy yqshamaýdannyń turǵynymen. Moıyn sozyp qaraǵanda kók Týymyz kózime ottaı basyldy. Óte ádemi kórinedi. Táýelsizdik kúni men memlekettik rámizderge árqashan erekshe mán berýge tıispiz dep sanaımyn», - deıdi qala turǵyny Aıaýjan Bolat.
Esterińizge sala keteıik, Táýelsizdiktiń 30 jyldyǵyn merekeleý aıasynda «Meniń týym. Meniń Otanym!» chelendji búkil respýblıka boıynsha bastaldy. Bul aktsııany qazaqstandyqtar oń qabyldady.Olar áleýmettik jelilerde arnaıy jabalarmen, foto jáne beıne materıaldarmen bólisip, #Moıflagmoıarodına, #MenińtýymMenińelim #TsvetMoeıRodıny heshtegterimen Táýelsizdikke tartýlaryn jarııalap jatyr. Aıta keteıik, Úkimet qaýlysymen áleýmettik mańyzy bar nysandarǵa jáne turǵyn úılerdiń balkondaryna Memlekettik týdy ilýge ruqsat etilgen bolatyn.
